Hugmyndaflug er ekki í fólki. Ekki frekar en hæfileikar. Hugmyndir bara fljúga fram og til baka og maður verður bara að vera fljótur að grípa ef maður vill eiga þær. Ég las t.d. í Fréttablaðinu í dag að maður nokkur hefði fyrir löngu fengið hugmynd sem ég fékk fyrir um 10 árum síðan, en hef ekki komið henni á neitt framkvæmdastig ennþá. Þar með á ég ekkert í þessari hugmynd. Og það er bara í góðu lagi, þannig hefur það alltaf verið. Nú verð ég bara að fá mér smá labbitúr og grípa einhverja af hugmyndunum sem eru núna á flugi yfir Vesturbænum.
Eins með hæfileika. Þeir eru ekki meðfæddir. Þeir eru færni sem hver sem er getur náð ef áhuginn og metnaðurinn er raunverulegur.
----
Ég komst að því í gær að það að viðurkenna að ég hafi haft rangt fyrir mér, að ræða um lausn og að taka afleiðingunum, tekur í kringum 15 mínútur. Málið er dautt. Eða svona í dauðaslitrunum. Ég er enn soldið fúl yfir því að hafa haft rangt fyrir mér. En öllum öðrum er sama og það er þá ásættanlegt. Eða allt að því...
----
Það er margt skrítið í kýrhausnum.
Ég sé þig fyrir mér með háf að veiða hugmyndir, svona eins og þú værir á fiðrildaveiðum.
SvaraEyðaEn frænka, við verðum einstaka sinnum að hafa rangt fyrir okkur, þó ekki væri til annars en að gleðja samferðafólkið.
Þegar fólk fær mjög margar hugmyndir reynast flestar þeirra vera mjög vondar. Kúnstin felst ekki í því að fá hugmyndir heldur að leggja mat á gæði þeirra. Góð hugmynd er heldur einskis virði fyrr en búið er að ýta henni í framkvæmd. Ég veit dæmi um fólk sem er stöðugt að fá góðar hugmyndir, segja öðrum frá þeim og taka drengskaparloforð um að þeim verði ekki "stolið" en kemur svo engri þeirra í verk sjálft.
SvaraEyða